Tregimi për një vajzë, e cila deshi të blejë një mrekulli, për ta shëruar vëllanë e saj

Lexo gjithashtu:

Në Instagram dhe FB mund të jesh kushdo që dëshiron, por…

A janë një mijë ndjekës në IG dhe FB më të rëndësishëm për ne sesa mendimi i...

Nesër në Teheran nuk do të falet namazi i xhumasë

Në kryeqytetin e Iranit, Teheran, nesër nuk do të falet namazi i xhumasë për shkak të epidemisë...

Njihuni me kryeministrin 94 vjeçar të Malajzisë, politikan me parime dhe… çiklist

Kryeministri më i moshuar në botë, Mahathir Mohamad, i cili drejton Malajzinë, nuk është një 94 vjeçar...

Isai a.s. dhe djaloshi

Falënderimi qoftë për Allahun e Madhërishëm, prej të cilit kërkojmë ndihmë, falje dhe udhëzim. Ndërsa bekimet dhe...

Vajza e vogël po qëndronte pranë derës së dhomës së vëllait të saj të sëmurë, dhe po dëgjonte bisedën e prindërve të saj.

Babai po i thoshte nënës: “Çka të bëjmë? Djali ynë është duke vdekur. Ai ka nevojë për operacion kirurgjik urgjent në trurin e tij, kurse ne nuk kemi para. Jeta e tij është në rrezik, kush do ta shpëtojë djalin tonë?”

Nëna, me lot në sy, iu përgjigj: “Situata është shumë e rëndë dhe vetëm mrekullia mund ta shpëtojë atë.”

Vajza e vogël nuk mundi ta përballojë atë skenë, kështu që me shpejtësi shkoi në dhomën e saj, e hapi kutinë, në të cilën e vendoste kusurin që i mbetej pas blerjes së gjërave të caktuara. Tri herë i numëroi monedhat për tu siguruar saktësisht se sa para kishte në kutinë e saj, dhe secilën herë i numëronte 3 dollarë. I mori paratë dhe, pa i pyetur prindërit e saj, vrapoi deri tek barnatorja afër shtëpisë së tyre.

Atje ajo e takoi farmacistin, i cili po bisedonte me një klient. Pasiqë biseda e tyre u zvarrit dhe ata nuk i kushtuan vëmendje vajzës 6 vjeçare, ajo e goditi tryezën me dorë. Vetëm atëherë farmacisti e pa dhe e pyeti: “Çka dëshiron ti?”

Vajza u përgjigj: “Unë dua një mrekulli!”

Farmacisti tha me habi: “Çka dëshiron?”

Ajo u përgjigj: “Unë dua ta blej një mrekulli për ta shëruar vëllain tim.”

Para se farmacisti të thoshte ndonjë gjë, bashkëbiseduesi i tij e pyeti: “Sa para ke me vete?”

Ajo u përgjigj: “Kam 3 dollarë.”

Burri buzëqeshi dhe e pyeti vajzën: “Pse doni ta blini mrekullinë?”

Ajo tha: “Vëllai im është shumë i sëmurë dhe unë dua ta shëroj.”

Kur ajo i shpjegoi se çfarë sëmundje kishte, klienti i panjohur e dinte se ishte e nevojshme që sa më parë të bëhej operacioni i trurit të vëllait të saj.

Pastaj ai ia shtrini dorën vajzës së vogël dhe e luti që t’ia japë ato të holla që kishte, pastaj i tha: “Çmimi i mrekullisë që po kërkon është saktësisht 3 dollarë.”

Pas kësaj ai doli me vajzën, kurse ajo mendoi se po e dërgonte në ndonjë barnatore tjetër për t’ia blerë asaj mrekullinë. Në vend të kësaj, ai kërkoi adresën e shtëpisë së saj dhe më pas shkoi në shtëpi, u njoftua me prindërit e saj dhe menjëherë e çoi djalin e tyre në klinikën e tij private, sepse ai në të vërtetë ishte neurokirurg. Operacioni kaloi me sukses, dhe djali pas disa ditësh u soll në shtëpi i shëruar.

Prindërit të lumtur falënderuan Allahun për mëshirën e Tij të pakufishme. Nëna i tha babait: “Faleminderit Allahut që na dërgoi mjekun në kohën e duhur, për ta kryer operacionin falas për djalin tonë. Kjo, me të vërtetë ishte mrekulli.”

Vajza e vogël u përfshi në bisedën e tyre dhe i tha nënës së saj: “Nënë, unë e pagova çmimin e kësaj mrekullie, dhe për të i dhashë të gjitha paratë që kisha.”

Nëna e përqafoi vajzën e saj dhe ia shpjegoi asaj se çka do të thoshte në të vërtetë kjo mrekulli, dhe se Allahu i Plotfuqishëm të gjitha i kishte caktuar që vëllai i saj të shërohej.

Kurse çmimi i mrekullisë është dashuria e saj për vëllain e saj, dëshirat dhe lutjet e saj për shërimin e vëllait, si dhe sakrifica e gjithçkaje që posedon për shërimin e vëllait.

Çmimi i mrekullisë është që ne të bëjmë gjithçka që mundemi në një moment të caktuar, kurse pastaj të mbështetemi tek Allahu dhe Atij t’ia dorëzojmë menaxhimin e gjërave dhe rezultatin përfundimtar.

Perktheu: Miftar Ajdin

- Advertisement -
- Reklamë -

Më të rejat:

Detyrat ndaj fëmijëve: Edukimi intelektual

Asnjë fe dhe ideologji në historinë njerëzore nuk e theksoi dhe afirmoi dijen dhe pjekurinë intelektuale siç bëri...

Kreu i BFI-së në mesazhin e Bajramit: T’i lutemi Zotit për ta tejkaluar sprovën...

Ushtruesi i detyrës kryetar i Bashkësisë Fetare Islame (BFI) në Maqedoninë e Veriut, Shaqir Fetahu, ka uruar besimtarët muslimanë me rastin e...

Kryetari i Bashkësisë Islame të Kosovës: Anulohet namazi i Bajramit për shkak të COVID-19

Në Kosovë nesër nuk do të falet namazi i Bajramit për shkak të situatës epidemiologjike me koronavirusin e ri (COVID-19), bëri të...

Filipine, Kurban Bajrami shpallet pushim zyrtar

Në Filipine dita e parë e Kurban Bajramit është shpallur pushim zyrtar, transmeton Anadolu Agency (AA). Zyra e presidencës...

Hutbeja e Bajramit të Kurbanit – 2020

E falënderojmë Allahun e Plotfuqishëm, që na mundësoi ta presim edhe një Bajram të Kurbanit – festën e haxhillëkut dhe kurbanit.

Si ndërtohen urat!

Falënderimi i qoftë Allahut të Madhërishëm, kurse bekimi dhe paqja qoftë mbi Pejgamberin Muhamed, mbi familjen e tij dhe mbi shokët e tij....

Ua rekomandojmë

- Advertisement -