Të paktën 31 persona e kanë humbur jetën dhe 100 të tjerë janë plagosur si pasojë e një rrëmuje në ceremoninë e Ashures në qytetin e Qerbelasë në Irak.
Zëdhënësi i Ministrisë së Shëndetësisë së Irakut, Seyf al-Badir, në një deklaratë me shkrim njoftoi se ka ndodhur një rrëmujë gjatë aktiviteteve për shënimin e Ditës së Ashures në qytetin e Qerbelasë.
Badir tha se si pasojë e rrëmujës kanë humbur jetën 31 persona ndërsa 100 të tjerë janë plagosur, nga të cilët 10 janë në gjendje të rëndë.
