ARMIQTË E ISLAMIT JANË TË NGJASHËM NË TË GJITHA GJENERATAT, NDËRSA KA DALLIM TË MADH MES GJENERATAVE TË PARA
DHE ATYRE TË MËVONSHME TË MUSLIMANËVE
Shkruan: Dr. Muhamed el-Gazali
Askush prej nesh nuk e di se si Muhamedi (savs), e ndërtoi këtë gjeneratë të fortë, besnike dhe të pastër të sahabëve.
Askush nuk e di se çfarë u derdh në zemrat e tyre në kuptimin e devotshmërisë, heqjes dorë nga kjo botë dhe sakrificës, dëshmisë për madhështinë e Allahut dhe dëshirës për botën tjetër.
Askush nuk e di se cila ishte forca lëvizëse që qëndronte pas kësaj gjenerate, e cila i mposhti sprovat e jetës dhe komplotet e tiranëve dhe zullumqarëve.
I Dërguari i Allahut (savs) ishte në gjendje, me një fuqi mahnitëse, që ta transmetojë dhe ta përcjellë Kuranin – si fe e tërësishme, por edhe si shtet i bazuar në Kuran – te gjeneratat pasuese dhe ta ruajë atë nga shtrembërimi dhe falsifikimi, siç kishin pësuar librat (shpalljet) e mëparshme.
Ata janë paraardhësit tanë “të mirë” për shkak të meritave, e jo për shkak të pretendimeve.
Sinqerisht, jam i mahnitur nga Muhamedi (savs) dhe sahabët e tij. Jam i fascinuar nga edukimi që ai u dha sahabëve dhe nga xhihadi i tyre me të dhe pas tij, për ta ruajtur të vërtetën në tokë dhe për të qenë të dobishëm për njerëzit përmes asaj të vërtete.
Sa të mëdhenj kanë qenë sahabët e të Dërguarit të Allahut (savs) dhe sa shumë i kanë bërë borxhli të gjitha gjeneratat muslimane deri në Ditën e Gjykimit!
Edhe tani, pas një ecjeje të gjatë të njerëzimit, e shikoj veten dhe ata që më rrethojnë, dhe shoh një ngjashmëri të afërt mes armiqve të Muhamedit (savs) dhe armiqve të Islamit në gjeneratat e para dhe ato të sotme. Ndërsa në të njëjtën kohë, shoh vetëm një ngjashmëri të largët, madje një dallim të madh, mes pasuesve të Muhamedit (savs) në gjeneratat e para dhe në ato të sotmet.
Burimi: https://saff.ba//…
Përshtati në shqip: Miftar Ajdini
(Islampress)
