Në vitin 2002, Izraeli vendosi të ndërtojë të ashtuquajturin ‘Mur ndarjeje’. Në vitin 2003, ata më e kishin filluar ndërtimin e strukturës kolosale, e cila në shumë pjesë kishte hyrë thellë në Bregun Perëndimor, territorin palestinez që Izraeli e okupoi në Luftën Gjashtë Ditore të vitin 1967.
Përafërsisht 65.3% (465 km) e strukturës së parashikuar të gjatë 712 kilometra ka përfunduar, nga të cilat 85% hynë brenda Bregut Perëndimor.
Rruga e tij përmes territorit të okupuar të Bregut Perëndimor do të thotë se ‘muri’ cenon drejtpërdrejt të drejtat dhe jetën e mbi 210,000 palestinezëve që banojnë në 67 fshatra, qytete dhe qytete. Duhet theksuar se ky territor ilegal çdo ditë shtohet në dëm të Palestinezëve.
Në 16 vitet që nga fillimi i ndërtimit të ‘murit të ndarjes’, jeta e gati tre milion palestinezëve që jetojnë në Bregun e okupuar Perëndimor dhe në Kuds (Jeruzalem) është transformuar pothuajse përtej durimit. Pikat e kontrollit ushtarak tani janë pjesë e rutinës së përditshme. Muri i shkëput palestinezët nga tokat e tyre; banorët e Kudsit janë të ndarë nga anëtarët e familjes; ambulancat dhe pacientët nuk mund të arrijnë në spitale; foshnjat lindin në rrugë, etj.
Pavarësisht gjithë kësaj, mitet janë të shumta për ‘Murin e Ndarjes’ që minimizon ndikimin e tij mbi palestinezët dhe e përshkruan atë vetëm si një aspekt të gjoja “okupimit beninj”. Seksionet e tij janë bërë spektakle, të dubluar me art rrugor dhe të tregtuar si një atraksion turistik. Gjuha e “sigurisë” përdoret shpesh vetëm për ta justifikuar ekzistencën e saj.
Kohëve të fundit vihet re se jepen dukshëm më pak leje për të hyrë në tokën palestineze prapa Barrierës
Studimet e fundit tregojnë rënie të ndjeshme të numrit të lejeve të dhëna nga autoritetet okupatore izraelite për fermerët dhe punëtorët palestinezë për të hyrë në tokën e tyre në Bregun Perëndimor prapa Barrierës. Sipas të dhënave zyrtare të marra nga organizata izraelite HaMoking, shkalla e miratimit për lejet për pronarët e tokave ra nga 76 përqind e aplikimeve në 2014 në 28%në Nëntor të vitit 2018. Lejet e lëshuara për punëtorët e bujqësisë ranë nga 70% në 50% të aplikimeve për periudhën e njëjtë.
Shkëputje nga botimi: 7 mitet për “Murin Izraelit të ndarjes”, Rebecca Stead
Përshtati: Lutfi Muaremi
[Isl@mpress.ch]
