Pyetje:
Eselamu Alejkum
Duke lexuar Kuranin gjeta një ajet në suren Hud. Fjala është për ajetin e 114 të kësaj sure i cili thotë: “Dhe fale namazin në dy skajet e ditës, e edhe në orët e afërta (me ditën) të natës. S’ka dyshim se veprat e mira i shlyejnë ato të këqijat. Kjo është një këshillë për ata që pranojnë këshillat.”
Ajeti në fjalë na thekson se namazin duhet ta kryejmë dy herë në ditë: Në mëngjes dhe në mbrëmje. Ajo çka më bëri të dyshojë është se si erdhi që ne sot të falemi pesë herë në ditë, kur ajeti na thotë dy herë?
Përgjigje:
Alejkum Selam
Për faljen e namazit dhe kohët e tij flitet në shumë ajete të Kuranit, kështu që dispozita nuk mund të përcaktohet vetëm në bazë të ajetit në fjalë. Në ajetin 114 të sures Hud flitet për tre kohë të namazit: sabahun, ikindinë dhe akshamin, në ajetin e 78 të sures Isra flitet për namazin e drekës, sabahut dhe jacisë, ndërsa në ajetin e 238 të sures El- Bekare flitet për namazin e ikindisë. Koha precize e këtyre pesë namazeve farze është sqaruar nga i Dërguari i Allahut s.a.v.s. në hadithet e tij.
Muftiu i Sarajevës, Dr. Enes Ljevakoviç
Fetve-i emini i Akademisë për Fetva pranë BI të Bosnjës
Përktheu: Arsim Dauti Islampress
