Gazeta Haaretz, një prej gazetave kryesore në Izrael, në numrin e saj të sotëm publikoi fotografitë e fëmijëve të Gazës që humbën jetën në sulmet e ushtrisë izraelite të cilat filluan më 10 maj dhe vazhduan për 11 ditë në Rripin e Gazës nën bllokadë, transmeton Anadolu Agency (AA).
Faqja e parë në gjuhën hebreje e gazetës “Haaretz” u nda për fëmijët palestinezë që humbën jetën në sulmet e ushtrisë izraelite në Rripin e Gazës.
“Në Gaza u vranë 67 fëmijë, kjo është kostoja e luftës”, ishte titulli i cili është përdorur në lajmin ku janë publikuar fotografitë e fëmijëve që humbën jetën në sulme.
Sipas të dhënave të Ministrisë së Shëndetësisë në Gaza, 254 palestinezë, përfshirë 66 fëmijë dhe 39 gra kanë humbur jetën në sulmet e Izraelit që filluan më 10 maj dhe që përfunduan me armëpushimin e arritur më 21 maj.
(AA)
