Ibnul-Kajjim el- Xhevzijje, ka thënë: Njeriu nuk do të hyjë në xhenet derisa të pastrohet plotësisht, ndërsa pastrimi në këtë botë bëhet në katër mënyra: Me pendim (tevbe), kërkim falje (istigfar), me vepra të mira të cilat fshijnë të këqijat dhe me sprova të cilat i shlyen dhe anulojnë mëkatet.
Nëse kjo nuk mjafton për tu pastruar, vazhdohet në jetën e varrit me tre gjëra: lutja e besimtarit dhe kërkimi i faljes për të vdekurin, sprovën e varrit dhe veprat e mira që ia dhurojnë muslimanët e gjallë.
Nëse kjo nuk mjafton për tu pastruar plotësisht nga mëkatet, atëherë vazhdohet në Ditën e Gjykimit me tre gjëra: Shijimin e tmerrit të Ditës së Gjykimit, ndërmjetësimit të atyre që kanë të drejtë për shefa’at, dhe faljen dhe mëshirën e Allahut.
Nëse edhe kjo nuk mjafton për tu pastruar plotësisht, atëherë do ta pastrojë zjarri i xhehenemit.
Qëndrimi i tij në xhehenem do të jetë sipas ndyrësisë së mëkatit, dhe kur do të dal nga zjarri do të jetë plotësisht i pastër nga mëkatet dhe do të futet në xhenet.” (Medarixh es-salikin, I/463.)
