“…Ne do të sjellim (për gjykim) çdo vepër, qoftë kjo edhe sa pesha e një kokrre sinapi.” (El-Enbija, 47).
Mos lë anash asnjë punë të mirë, sado e vogël të jetë, sepse nuk e di se për shkak të së cilës vepër Allahu mund tët mëshirojë.
Gjithashtu, ke kujdes edhe nga mëkatet më të vogla sepse nuk e di se cili mëkat mund të sjell zemërimin e Zotit.
__________________________
Lexoju (o Muhamed) saktësisht ngjarjen e dy bijve të Ademit, kur ata bënë nga një kurban, njërit iu pranua, kurse tjetrit jo. Njëri i tha tjetrit: “Ty gjithsesi do të të vras”. Tjetri tha: “Allahu pranon vetëm prej të devotshmit.” (El-Maida, 27)
Ruhuni nga zilia sepse zilia është shkaku i mëkatit të parë në tokë. Zilia është një sëmundje e egër e cila e dëmton ziliqarin edhe në dunja edhe në Ahiret.
Në një hadith thuhet: “Largohuni nga zilia sepse ajo i djeg veprat e mira ashtu siç i djeg zjarri drutë.”
Mesazhe kuranore
A. D. Islampress
