Në kryeqytetin e Iranit, Teheran, nesër nuk do të falet namazi i xhumasë për shkak të epidemisë së koronavirusit (Covid-19), transmeton Anadolu Agency (AA).
Në njoftimin e Qendrës së Organizimit të Namazeve të Xhumasë në Teheran, u bë e ditur se Këshilli për përcaktimin e Politikave të Imamëve të së Premtes së Iranit, kanë marrë vendim që të mos falet namazi i xhumasë këtë javë.
Ministri i Shëndetësisë së Iranit, Saeed Namaki dje deklaroi se në vendet ku epidemia është intensive nuk do të falet namazi i xhumasë, për të parandaluar përhapjen.
