Shefi i Byrosë Politike të Hamasit, Ismail Haniyeh denoncoi normalizimin e lidhjeve me pushtuesit izraelit si “mëkat të rëndë politik, të dëmshëm për interesat e arabëve dhe myslimanëve”.
Udhëheqësi politik i Hamasit deklaroi se “Hamasi ndjek me trishtim dhe denoncim të thellë nënshkrimin e marrëveshjeve të normalizimit midis disa shteteve arabe dhe pushtimit izraelit, të ndërmjetësuar nga administrata amerikane.
“Politika e SH.B.A.-së gjatë periudhës së fundit ka riorganizuar grupin e armiqve dhe miqve në rajon sipas vizionit të saj dhe ka detyruar disa parti të merren me këtë vizion,” tha shefi politik i Hamasit.
‘Rrezik serioz ’
Ismail Haniyeh theksoi se pushtimi izraelit “ishte dhe do të mbetet armiku i parë i përbashkët i botës arabe dhe myslimane”.
“Ne nuk pranojmë asnjë hap të ndërmarrë nga vendet arabe për të normalizuar lidhjet e tyre me okupimin dhe ne u kërkojmë atyre të tërhiqen nga ky mëkat,” tha ai, duke theksuar se Lëvizja e tij e konsideron normalizimin arab të lidhjeve me Izraelin “një mëkat politik”, por nuk mund të shmanget nga beteja e tij me pushtimin izraelit dhe të jetë në konflikt me ndonjë vend arab për këtë.
“E kemi analizuar skenën e re në politikën e administratës amerikane dhe trajtimin e okupimit të çështjeve të aneksimit dhe normalizimit, dhe e kemi parë veten të detyruar të hartojmë një plan, veçanërisht në lidhje me unitetin e popullit palestinez kundër komploteve të ndryshme duke i synuar ata,”tha Haniyeh.
“Ekziston një sfidë e përfaqësuar nga përpjekja e administratës amerikane për të copëtuar rajonin, për ta bërë atë të humbasë të gjithë elementët e rezistencës dhe për të ndërtuar një aleancë sigurie mbi të cilën Izraeli mbizotëron brenda epërsisë së tij ushtarake, të sigurisë dhe ekonomike”, shtoi ai.
Shefi i Hamasit përsëriti se populli palestinez do të mbetet i bashkuar dhe i përkushtuar ndaj të drejtave të tij dhe do të vazhdojë ta kundërshtojë normalizimin e pushtimit izraelit dhe kurrë nuk do ta njohë pushtimin izraelit të Palestinës.
Burimi: Hamas
