Ura Irgandi (Irgandı Köprüsü) mbi lumin Gokdere është ndërtuar në qytetin Bursa të Turqisë në vitin 1442 nga hoxhë Muslihidini dhe është ura e para në botë me dyqane zanatçinjsh. Muslihidini ishte djali i Aliut nga Irgandi në Bursë.
Gjtihsej ka katër ura të tilla në botë, Irgandi është e para. Tre prej urave të ngjashme me të, që në botë janë gjithsej 4, ndodhen Ponte Vecchio në Firencë dhe Ponte Rialto Venedik në Itali dhe Ura Osam në qytetin Loveç të Bullgarisë.
Ura Irgandi me gurë mbi lumin Gokdere, lidh nënprefekturën qendrore Osmangazi dhe nënprefekturën Jildirim të Bursë. Ajo është restauruar në përshtatje me cilësinë e saj historike dhe është e hapur për vizitorët. Sot ura mirëpret artizanët dhe zejtarët që ofrojnë shembujt më të mirë të punimeve me dorë nga mjeshtrit e sedefit e deri tek ata të porcelanit, dhe është një ndër vendet më të frekuentuara nga turistët.
Ura Irgandi është një urë historike në Bursë, Turqi.
Ura është porositur nga një tregtar i pasur me emrin Müslihidin në 1442 gjatë mbretërimit të Muratit II të Perandorisë Osmane. Arkitekti i saj ishte ndoshta Arkitekti Timurtaş. Gjatë tërmetit të vitit 1855 Bursa ura u dëmtua pjesërisht. Gjatë Luftës Turke të Pavarësisë Bursa u pushtua nga Greqia. Në vitin 1922, ura u bombardua nga ushtria greke që tërhiqej. Ishte e mbyllur për trafik. Në vitin 1949 ura u rindërtua nga bashkia edhe pse me modifikime të vogla. Pas vitit 2004, pas një restaurimi tjetër, ura u hap për trafik.
Ura është një urë e vetme me hark. Hapësira e harkut është 16 metra (52 ft) dhe gjerësia është 11 metra (36 ft). Ishte një shembull i një ure të rrallë të mbuluar që strehon një pazar. Në modelin origjinal ishin tridhjetë dyqane në urë. Sipas Prof Önge gjatë kohës osmane, ura është përdorur gjithashtu për të kontrolluar trafikun midis dy lagjeve të Bursës duke u mbyllur gjatë netëve.
(Nexhat Ibrahimi, Fjalor Enciklopedik Islam, botimi II i zgjeruar ne pergatitje).
